Pandoj:

Laŭ informo de la Forsta Administracio de Ĉinio, 30 horojn post interrompo de telekomunikado la oficejo de la Administracio de la Wolong-a Rezervejo raportis, ke la 86 grandaj pandoj bredataj de ili estas sekuraj kaj la pandidoj estis transportitaj al sekura loko.

Ĝis nun estas sekuraj la 144 grandaj pandoj en la bredaj bazoj de Wolong, Chengdu kaj Shaanxi.

En Ĉinio troviĝas 1590 sovaĝaj grandaj pandoj vivantaj en 62 rezervejoj en Sichuan, Shaanxi kaj Gansu. El ili pli ol 1200 en Sichuan, 270 en Shaanxi, kaj 110 en Gansu. La vivlokoj de sovaĝaj grandaj pandoj en la tri provincoj estas malsam-grade influitaj de la tertremo.

La Forsta Administracio de Ĉinio postulas, ke la bredaj bazoj de grandaj pandoj fortigu sekurecan kontrolon kaj riparadon al la instalaĵoj, por eviti damaĝon pro posttertremo, kaj la rezervejoj, dum savado de siaj laborantoj, atente observu la sovaĝajn grandajn pandojn, kaj donu ĝustatempan savadon al vunditaj pandoj.

Tri Gorĝoj:

Akvobaraĵo ĉe Tri Gorĝoj ne estas influita de la Wenchuan-a tertremo.

La 12-an de majo Tong Chongde, proparolanto de la Oficejo de la Komitato de Konstruado de Tri Gorĝoj sub la Ŝtata Konsilantaro de Ĉinio, diris en Pekino, ke nun la Akvobaraĵo ĉe Tri Gorĝoj estas sekura. La sekureca monitoro ĉe la baraĵo montras, ke ĉio estas en ordo, kaj la vorko kaj la akvorezervejo ĉe la Tri Gorĝoj ne estas influitaj.

Tong diris, ke je la 14-a horo kaj 28 minutoj de la 12-a de majo en Wenchuan, Sichuan-provinco okazis tertremo kun 7.8 gradoj. Tio kaŭzis 3-4-gradan tertremon ĉirkaŭ la baraĵo ĉe Tri Gorĝoj, 700 kilometrojn for de Wenchuan.

Nukleaj instalaĵoj:

Nukleaj instalaĵoj en plagitaj lokoj de Sichuan estas sekuraj.

La 18-an de majo en Pekino, vicestro de operacia fako sub ĝenerala stabo de Ĉina Popola Liberiga Armeo aerarmea major-generalo Ma Jian diris, ke nukleaj instalaĵoj en plagitaj lokoj de la ĉina provinco Sichuan estas sekuraj.

Tiutage en gazetara konferenco, okazigita de novaĵ-oficejo sub la ĉina Ŝtata Konsilantaro, Ma Jian diris, ke ĉi-foja tertremo iom influis militajn instalaĵojn de la ĉina armea flanko en Sichuan, kaj ne estas raporto pri serioza damaĝo. Trupoj kaj armitaj policaj trupoj rigore protektas lokajn nukleajn instalaĵojn, ekzistas neniu problemo.